Prosineçkinin təyinatı açıqlandı

Tarix: 30 Dekabr 2019 00:58

Millimizin sabiq baş məşqçisi Robert Prosineçkinin Türkiyənin “Kayserispor” klubuna baş məşqçi təyinatı gercəkləşib.

Qol.az xəbər verir ki, bu barədə klub prezidenti Berna Gözbaşı məlumat verib. O, sosial şəbəkə hesabında bunları qeyd edib:
 
“Robert Prosineçki ilə anlaşdıq. Yarıda qalmış hekayəni tamamlamağa gəlir. Camiəmizə xeyirli olsun. Super Liqada qalmaq bizim üçün çox önəmlidir. Anlaşmamızın müddəti mövsümün sonuna qədərdi. Elitada qalsaq, yenidən masaya oturacağıq”.
 
Qeyd edək ki, son olaraq Bosniya və Herseqovina yığmasını çalışdıran Prosineçkin 2014-2017-ci illərdə  Azərbaycan millisinin baş məşqçisi olub. 50 yaşlı mütəxəssis 2012/13 mövsümündə isə məhz “Kayserispor”u çalışdırıb.