Aktual mövzular: Dollar alış-satışı, Neftin qiyməti, COP29, Hava proqnozu

“Real” finalda - FOTO

Tarix: 9 Yanvar 2020 07:08

İlk dəfə yeni formatda keçirilən İspaniya Superkubokuna start verilib.

Sonxeber.net apasport.az-a istinadən bildirir ki, 4 komandanın iştirakı ilə Səudiyyə Ərəbistanında təşkil olunan yarışda ilk yarımfinal matçı baş tutub.

İspaniya kubokunun qalibi kimi yarışa qatılan "Valensiya" La Liqanın bürünc mükafatçısı "Real"la üz-üzə gəlib. Madrid təmsilçisi rəqibinin qapısından üç cavabsız qol keçirərək inamlı qələbə qazanıb. "Yarasalar" yalnız görüşün sonunda bu toplardan birinin əvəzini çıxmaqla darmadağından qaçıb.

Bununla da "Real" yanvarın 12-də baş tutacaq final matçına vəsiqə qazanıb. "Kral klubu"nun rəqibi yanvarın 9-da bilinəcək.

Qeyd edək ki, digər yarımfinalda son çempion və kubokun finalçısı "Barselona" ilə gümüş mükafatçı "Atletiko" üz-üzə gələcək.

İspaniya Superkuboku
Yarımfinal
8 yanvar

"Valensiya" - "Real" - 1:3
Qollar: Parexo, 90 (pen.) - Kroos, 15, İsko, 39, Modriç, 65