Aktual mövzular: Dollar alış-satışı, Neftin qiyməti, COP29, Hava proqnozu

Gəncə hadisələri ilə bağlı həbs edilən 2 nəfər azadlığa çıxdı

Gəncə hadisələri ilə bağlı həbs edilən 2 nəfər azadlığa çıxdı

Tarix: 9 Yanvar 2020 13:58

Bakı. Samir Əli - Trend:

Gəncə hadisələri ilə əlaqədar həbs edilən Cabir Əzizov və Fikrət Mirzəliyev azadlığa buraxılıb.

Trend-in məlumatına görə, hər iki məhkumun cəza müddəti başa çatıb.

Qeyd edək ki, rəsmi məlumata əsasən, 2018-ci il iyul ayının 3-də Gəncə Şəhər İcra Hakimiyyətinin başçısı Elmar Vəliyevə və polis əməkdaşı Qasım Aşbazova qarşı məqsədyönlü şəkildə əvvəlcədən planlaşdırılmış terror aktı, iyulun 10-da isə Gəncə şəhərində kütləvi iğtişaş törətməklə həmin terror aktını dəstəkləyən radikal dini yönümlü bir qrup şəxsin xidməti vəzifələrini yerinə yetirən iki polis əməkdaşına zor tətbiq etməklə qətlə yetirməsi və sair faktlar üzrə cinayət işi başlanılaraq istintaq aparılır.

Gəncə hadisələri ilə bağlı, təxminən, 80 nəfər cinayət məsuliyyətinə cəlb olunub, barələrində axtarış elan edilənlər də var.

Xatırladaq ki, Gəncə Ağır Cinayətlər Məhkəməsinin hökmü ilə C.Əzizov 5 il, F.Mirzəliyev 6 il müddətinə azadlıqdan məhrum edilib.

Daha sonra Bakı Apelyasiya Məhkəməsində onların cəzasını 1 il 6 aya qədər azaldılıb.

Trend-in ən mühüm və maraqlı xəbərlərini "Telegram"da izləyin


Etiketlər:  Gəncə hadisələri ilə bağlı həbs edilən nəfər azadlığa çıxdı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ