Aktual mövzular: Dollar alış-satışı, Neftin qiyməti, COP29, Hava proqnozu

''Azərbaycanla oyunda vacib 2 xal itirdik'' - Zlatko Daliç

''Azərbaycanla oyunda vacib 2 xal itirdik'' - Zlatko Daliç

Tarix: 29 Yanvar 2020 15:30

Xorvatiya millisinin baş məşqçisi Zlatko Daliç Avro-2020-nin seçmə mərhələsində Bakıda Azərbaycan yığması ilə keçirdikləri oyunu xatırlayıb.

Qol.az xəbər verir ki, o, FİFA-nın rəsmi saytına müsahibəsində Bakıda vacib iki xal itirdiklərini bildirib:

"Tez-tez deyirəm ki, birlik qrupun ən vacib keyfiyyətidir. Bu, təsnifat mərhələlərində bir daha özünü göstərdi. Avro-2020-nin seçmə mərhələsində bir neçə uğursuz nəticəmiz oldu. Macarıstanda uduzduq və Azərbaycan millisi ilə oyunda vacib 2 xal itirdik. Ancaq reaksiya hər zaman fantatik idi. Budapeştdəki məğlubiyyətdən sonra Uelslə görüşdə qələbə qazandıq və Slovakiyanı 4 cavabsız qolla məğlub edərək parlaq oyun keçirdik. Kapitanımız Luka Modriçin də həmin çətin vaxtlarda liderliyi öz üzərinə götürməsi çox önəmli idi. O, digər nisbətən yaşlı futbolçularla birgə bütün komandaya inam verirdi" - Daliç deyib.

Xatırladaq ki, Xorvatiya millisi seçmə mərhələnin 6-cı turunda Bakıda yığmamızla 1:1 bərabərə qalıb. Ancaq Daliçin komandası qrupu lider kimi başa vuraraq Avro-2020-nin final mərhələsinə vəsiqə qazanıb.s
 


Etiketlər:  Azərbaycanla oyunda vacib itirdik Zlatko Daliç


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ