Aktual mövzular: Dollar alış-satışı, Neftin qiyməti, COP29, Hava proqnozu

Adını gizli saxlayan xeyriyyəçi vətəndaşların marketlərə olan borclarını silir

Tarix: 3 Fevral 2020 19:00

Türkiyənin Trabzon şəhərində bir xeyriyyəçi vətəndaşların ərzaq dükanlarına olan borcunu ödəyib. O, suriyalıların məskunlaşdığı Esentepe məhəlləsində ehtiyac içərisində olan vətəndaşların mağazalara borclarını ödəyib.

Milli.Az oxu.az-a istinadən xəbər verir ki, bu barədə "HaberGlobal" məlumat yayıb.

Bildirilir ki, özünü "Robin Qud" kimi təqdim edən bu şəxs ölkənin şəhər mərkəzlərini və kəndləri dolaşaraq, evləri zəlzələdən zərər görən şəxslərə pul yardımı edir, həmçinin, məhəllə marketlərinə daxil olaraq sakinlərin borclarını ödəyir.

Hadisənin şahidlərindən olan Emre Kurt adlı şəxs bildirib ki, özünü "Robin Qud" kimi təqdim edən xeyriyyəçiyə ərazidə olan kasıb ailələrin ünvanını göstərməkdə yardım edib. E.Kurt xeyriyyəçinin ad və soyadını öyrənməyə çalışsa da, xeyriyyəçi buna lüzum görmədiyini, yaxşılığın gizli edilməli olduğunu bildirib.

Xatırladaq ki, bu şəxs ölkənin Elazığ vilayətində baş verən zəlzələdən sonra vətəndaşların ərzaq dükanlarına olan borclarını da ödəmişdi.

Milli.Az

Whatsapp ilə göndər