Aktual mövzular: Dollar alış-satışı, Neftin qiyməti, COP29, Hava proqnozu

TÜRKPA beynəlxalq müşahidəçilər missiyası Azərbaycanda keçiriləcək parlament seçkilərini izləyəcək

TÜRKPA beynəlxalq müşahidəçilər missiyası Azərbaycanda keçiriləcək parlament seçkilərini izləyəcək

Tarix: 7 Fevral 2020 12:33

Türkdilli Ölkələrin Parlament Assambleyasının (TÜRKPA) beynəlxalq müşahidəçilər missiyası 9 fevral 2020-ci il tarixində Azərbaycan Respublikasında keçiriləcək parlament seçkilərini müşahidə edəcək.

Sonxeber.net Trend-ə istinadən xəbər verir ki, müşahidəçilər missiyasının tərkibi Qazaxıstan, Qırğızıstan və Türkiyə parlamentlərinin millət vəkilləri və TÜRKPA Katibliyinin diplomatik nümayəndələrindən ibarətdir.

Müşahidəçilərin proqramına bir sıra dövlət qurumlarında görüşlər daxildir. Seçkilər günü isə, TÜRKPA missiyası Bakı şəhərində və bir sıra regionlarda səsvermə prosesi üzrə monitorinq aparacaqdır.

10 fevral tarixində TÜRKPA müşahidəçilər missiyası tərəfindən apardığı müşahidələrin nəticələrinə dair mətbuat konfransı keçiriləcək və missiyanın seçkilərə dair rəsmi bəyanatı təqdim ediləcəkdir.

TÜRKPA müşahidəçilər missiyası 2010-cü ildən etibarən üzv ölkələrdə keçirilmiş prezident və parlament seçkiləri, habelə konstitusiya referendumlarını müşahidə etmişdir.


Etiketlər:  TÜRKPA beynəlxalq müşahidəçilər missiyası Azərbaycanda keçiriləcək parlament seçkilərini izləyəcək


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ