Aktual mövzular: Dollar alış-satışı, Məzənnə, Neftin qiyməti

Rusiyanın “cəhənnəm silahı” Suriyanın şimal-şərqinə göndərildi - Türkiyəyə qarşı?

Rusiyanın “cəhənnəm silahı” Suriyanın şimal-şərqinə göndərildi - Türkiyəyə qarşı?

Tarix: 16 Fevral 2020 12:24

Suriyanın şimal-şərqində, hazırda şiddətli döyüş əməliyyatlarının getdiyi İdlib bölgəsində Rusiyanın TOS-1A "Solntsepyok" ağır odsaçan maşınları görünüb.

Milli.Az virtualaz.org-a istinadən bildirir ki, sosial şəbəkələrdə yayılmış görüntülərə əsasən TOS-1A "Solntsepyok" maşınlarını daşıyan qoşqular İdlib istiqamətində hərəkət edir. Həmin texnika Suriyanın qərbindən daşınıb. Bölgəyə azı 3-4 ağır odsaçan maşınlarının göndərildiyi bildirilir.

Bu yerdəyişmə Türkiyənin Suriya ordusu ilə birbaşa hərbi toqquşmadan sonra İdlibə çoxsaylı ağır texnika və canlı qüvvə yeritməsinin ardınca baş verir. Türkiyə prezidenti Rəcəb Tayyib Ərdoğan xəbərdarlıq edib ki, türk əsgərlərinə atəş açılması halında Əsəd rejimi qüvvələrini təkcə Suriyanın şimalındakı deeskalasiya zonasında deyil, "hər yerdə" vuracaqlar.

Azərbaycan da daxil olmaqla cəmi bir neçə ölkənin silahlanmasında yer alan TOS-1A "Solntsepyok" ağır odsaçanları öz dağıdıcı gücünə görə "cəhənnəm silahı" da adlandırılır. Bir yaylım atəşi ilə 40 min kvadratmetr sahədə hər şeyi yandırıb kül edir. Rusiya bu silahları bir neçə il əvvəl Suriya ordusuna verib və Əsəd qüvvələri həmin silahdan İŞİD qüvvələrinə qarşı döyüşlərdə istifadə edib.

Milli.Az


Etiketlər:  Rusiyanın cəhənnəm silahı Suriyanın şimal şərqinə göndərildi Türkiyəyə qarşı


RƏYLƏR



Populyar Xəbərlər

XƏBƏR LENTİ