Aktual mövzular: Dollar alış-satışı, Neftin qiyməti, COP29, Hava proqnozu

DOST Mərkəzlərinin mayın 4-dən fəaliyyətini necə davam etdirəcəyi açıqlanıb

DOST Mərkəzlərinin mayın 4-dən fəaliyyətini necə davam etdirəcəyi açıqlanıb

Tarix: 1 May 2020 17:39

Bakı. Trend:

Nazirlər Kabineti yanında Operativ Qərargahın xüsusi karantin rejimi müddətində tətbiq edilən bir sıra məhdudiyyətlərin yumşaldılmasına dair qərarına uyğun olaraq, mayın 4-dən etibarən “DOST” mərkəzləri xidmət göstərdikləri ərazilər üzrə ünvanlı dövlət sosial yardımı və sosial sahə üzrə bank kartlarının təqdim olunması istiqamətlərində fəaliyyətini bərpa edəcək.

Əmək və Əhalinin Sosial Müdafiəsi Nazirliyindən Trend-ə verilən məlumata görə, bu fəaliyyətə pensiya, müavinət, təqaüd alınması üçün hazır bank kartlarının verilməsi və ünvanlı dövlət sosial yardımının təyin olunması üzrə müvafiq işlər daxildir.

Həmin xidmətlərdən yararlanmaq üçün paytaxtın Yasamal və Səbail rayonlarının sakinləri 1 saylı Bakı DOST Mərkəzinə, Xəzər və Pirallahı rayonlarında qeydiyyatda olan vətəndaşlar isə 2 saylı Bakı DOST Mərkəzinə müraciət edə bilərlər.

DOST Mərkəzləri yalnız qeyd edilən istiqamətlər üzrə olmaqla həftə içi saat 09:00-dan 18:00-dək, şənbə və bazar günləri 10:00-dan 13:00-dək xidmət göstərəcək.


Etiketlər:  DOST Mərkəzlərinin mayın dən fəaliyyətini necə davam etdirəcəyi açıqlanıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ