İsveçrənin ABB şirkəti Azərbaycanda fəaliyyətini genişləndirməyi planlaşdırır

Tarix: 27 Iyul 2020 09:32

İsveçrənin ABB şirkəti Azərbaycanda BP ilə mövcud müqavilə çərçivəsində fəaliyyətini genişləndirməyi planlaşdırır.

Sonxeber.net xəbər verir ki, şirkətdən Trend-ə verilən məlumata görə, şirkətin Azərbaycandakı fəaliyyəti neft-qaz sənayesi ilə bağlıdır və şirkət Azərbaycanın dövlət şirkəti ARDNŞ ilə sıx əməkdaşlıq edir.

"Qeyd edilən xidmətləri təmin etmək üçün ICSS (İnteqrasiya edilmiş idarəetmə və təhlükəsizlik sistemi) xidmətləri üçün BP ilə bir müqaviləmiz var: altı dəniz və altı orta ölçülü aktivlər üçün tibbi xidmətlər; altı dəniz aktivi üçün ARMOR (ABB məsafədən idarəetmə və əməliyyat otağı) tərəfindən məsafədən dəstək; ICSS proqram təchizatının modifikasiyası layihələrinin tətbiqi; rəqəmsal təhlükəsizlik; ehtiyat hissələrin idarə edilməsi",- şirkətdən bildirilib.

İsveçrənin ABB şirkətinin Azərbaycandakı nümayəndəliyi əsasən enerji sənayesi üçün avadanlıq istehsalında ixtisaslaşıb.

Baş ofisi Sürixdə yerləşən 1883-cü ildə qurulan ABB, əsasən transformator və müxtəlif növ elektrik avadanlıqları istehsal edir. Şirkətin dünyanın 100-dən çox ölkəsində ofisləri var. Bundan əlavə, şirkət mühəndislik məsələlərinin həlli yollarını inkişaf etdirir.