Ermənistanda kənd təsərrüfatı məhsulları bazarının işçiləri Nazirlər Kabineti qarşısında aksiya keçirir

Tarix: 30 Iyul 2020 15:04

Bakı. Trend:

Ermənistanda kənd təsərrüfatı məhsulları bazarının bağlanması ilə əlaqədar etiraz aksiyasıı keçirilir.

Trend-in erməni KİV-lərinə istinadən məlumatına görə, Yerevanda Kasyan küçəsi ilə Komitas prospektinin kəsişməsində yerləşən kənd təsərrüfatı bazarının işçiləri səhər saatlarında Ermənistan İqtisadiyyat Nazirliyinin qarşısına toplaşıb, daha sonra Nazirlər Kabineqinin qarşısına hərəkət ediblər.

Qeyd edək ki, etirazlara səbəb sözü gedən bazarın Yerevan bələdiyyəsi tərəfindən bağlanması qərarıdır. Bələdiyyə bazarın bağlanmasına səbəb kimi yaxınlıqdan yaşayan sakinlərin orada olan anti-sanitar şərait və səs-küydən şikayət etməsini göstərir.

Fermerlərə Komitas prospektinin digər hissəsində yerləşən örtülü bazarda ticarəti davam etdirmək təklif olunub. Amma fermerlər əvvəlki yerlərində satışın bərpa olunmasını tələb edir.