Aktual mövzular: Dollar alış-satışı, Neftin qiyməti, COP29, Hava proqnozu

“Samsung”un smartfonları “Google”dan daha çox asılı olacaq

“Samsung”un smartfonları “Google”dan daha çox asılı olacaq

Tarix: 30 Iyul 2020 16:30

“Android”in əsas üstünlüklərindən biri əməliyyat sisteminin açıq olması hesab edilir. Bunun sayəsində hər bir istehsalçı istifadəçilərə öz qurğularında unikal bir təcrübə təklif edə bilər. Məsələn, “Samsung” öz xidmət və proqramlarını aktiv tanıdır, amma bu, tezliklə dəyişə bilər.

 

“ICTnews” Elektron Xəbər Xidməti “4pda.ru” saytına istinadən yazır ki, “Bloomberg” nəşrinin məlumatına görə, “Google” şirkəti Cənubi Koreyanın “Samsung” şirkətinin istehsalı olan qurğularda öz xidmətlərini irəli çəkmək üçün sonuncu ilə danışıqlar aparır. Məsələn, “Samsung”un smartfon və planşetlərində "Google Search", "Google Assistent" və “Google Play” xidmətləri “Bixby” virtual köməkçisi və “Galaxy Store” mağazası ilə müqayisədə sistemə daha çox inteqrasiya ediləcək. Gələcəkdə bu, brauzer daxil olmaqla, sağlamlığın izlənilməsi proqramı və başqa proqramları da əhatə edə bilər. Mənbənin məlumatına görə, “Google” şirkəti “Samsung”un qurğularında öz xidmətlərini tanıtmaq üçün pul ödəyəcək, amma razılaşmanın dəyəri açıqlanmayıb.

 

Emil Hüseynov




Etiketlər:  Samsungun smartfonları Googledan daha çox asılı olacaq


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ