“Xocalı – bir millətin kədəri” filmi erməni vandalizmini faktlarla, sənədlərlə ortaya qoyur – AzTV-də MÜZAKİRƏ

Tarix: 15 Avqust 2020 23:00

Azərbaycan Televiziyasının (AzTV) "Hədəf" verilişində "Xocalı - bir millətin kədəri" adlı sənədli filmi, bu filmin ərsəyə gəlməsi zərurəti haqqında fikir mübadiləsi aparılıb. Bildirilib ki, bu gün ilk dəfə AzTV-də efirə gedən ekran əsərində Ermənistanın işğalçılıq siyasəti, Azərbaycan türklərinə qarşı terror aktları, ötən əsrdə törədilən bəşəri faciə olan Xocalı soyqrımı şahidlərin dili ilə faktlar və sənədlərlə tamaşaçılara çatdırılır. Proqramın qonaqları qeyd ediblər ki, bu filmlə bir daha erməni vəhşiliyi, erməni vandalizmi və işğalçılığı dünyaya nümayiş olunur.

"Hədəf"in "Xocalı - bir millətin kədəri" adlı sənədli filmə həsr edilən buraxılışını "YouTube" kanalımızdan izləyə bilərsiniz.

Qeyd edək ki, "Xocalı - bir millətin kədəri" adlı sənədli filmi 1988-1993-cü illərdə Azərbaycanın ayrılmaz tərkib hissəsi olan Qarabağ torpaqlarının Ermənistan tərəfindən işğalı, 1992-ci il fevralın 26-da Ermənistan ordusunun Xocalı şəhərində yerli azərbaycanlı əhaliyə qarşı törətdiyi vəhşilik və soyqırımı aktı, Xocalı soyqırımı haqqında həqiqətlərin gizlədilməsi istiqamətində Ermənistanın və onun müxtəlif dairələrinin fəaliyyətinin və erməni yalanlarının ifşa olunması haqqındadır.

Sənədli filmin əsas səciyyəvi xüsusiyyətlərindən biri də Xocalıdan yeni videomaterialların filmin istehsalında istifadə olunmasıdır. Bu baxımdan, yeni film Azərbaycanda Xocalının bütün tarixi dövrlərini və 26 fevral 1992-ci il soyqırımını video-arxiv sənədləri və muzey materialları ilə əks etdirən modern formatda hazırlanmış real tarixdir.

"Virtual Qarabağ" İnformasiya-Kommunikasiya Texnologiyaları Gənclər İctimai Birliyinin sədri Nurəddin Mehdiyev filmin 3 dildə - Azərbaycan, ingilis, rus dillərində istehsal olunduğunu, cari ilin sonunadək isə daha 2 dilə - türk və fransız dillərinə tərcümə olunacağını bildirib.

Filmin ideya müəllifi və direktoru Nurəddin Mehdiyev, ssenari müəllifi Birləşmiş Krallıqdan olan araşdırmaçı jurnalist İan Piert, məsləhətçiləri-Milli Məclisin deputatı Elman Məmmədov, tarix üzrə fəlsəfə doktoru Nazim Mustafa, tarixçi-alim Ramin Əlizadə və Natıq Alışov, quruluşçu rejissoru Teymur Nəcəfzadə, operatorları Pərviz Əliyev və Cahid Əliyevdir. Filmi Azərbaycan dilində Elşən Rüstəmov səsləndirib.

Xatırladaq ki, film Gənclər və İdman Nazirliyinin dəstəyi ilə ərsəyə gətirilib.

"Hədəf" verilişini tam olaraq "YouTube" kanalımızdan izləyə bilərsiniz https: https://www.youtube.com/watch?v=16S_z_fE3mU.

https://www.instagram.com/aztvresmi/?hl=ru
http://www.aztv.az/az/
https://www.facebook.com/aztvresmi
https://twitter.com/aztvresmi
https://www.youtube.com/channel/UCVf7OL0jKiO1OMHN_qaNf0w