''Virus yoxa çıxana qədər karantin rejimi həmişə saxlanılacaq''

Tarix: 28 Avqust 2020 17:28

"Hazırkı dövrdə ölkəmizdə qənaətbəxş dinamikanın olmasına baxmayaraq, mövcud sanitar-epidemioloji vəziyyətin təhlili xüsusi karantin rejiminin uzadılmasına ehtiyac olduğunu göstərir".

Bunu Sonxeber.net-a açıqlamasında Tibb üzrə fəlsəfə doktoru Vasif İsmayıl deyib.

O, vaksinin tapılmayacağı təqdirdə xüsusi karantin rejiminin müəyyən aralıqlarla davam edəcəyini bildirib:

"Bu virus tamamilə yox olana qədər müəyyən bir rejim həmişə saxlanılacaq. Amma sözsüz ki, müəyyən yumşaldılmalara getmək lazımdır. Əgər vaksin tapılmayacaqsa, xüsusi karantin rejimi müəyyən aralıqlarla davam edəcək, bunun oyan-buyanı yoxdur. Ya koronavirusun dərmanını tapmaq lazımdır, ya bunun vaksinini tapmaq lazımdır. Yəni, başqa çarə yoxdur. 

Rayonlara gediş gəliş mütləq şəkildə açılmalıdır. Ancaq nədənsə bu məsələ hələ bizi gözlədir". 

Təhməz Əsədov