Aktual mövzular: Dollar alış-satışı, Neftin qiyməti, COP29, Hava proqnozu

Azərbaycan komandası finalda ''Ararat''ı məğlub etdi

Azərbaycan komandası finalda ''Ararat''ı məğlub etdi

Tarix: 15 Sentyabr 2020 14:04

Azərbaycanın "Vüqar Həşimovun Dostları" şahmat komandası beynəlxalq turnirin qalibi olub.

Qol.az xəbər verir ki, kollektiv komandalar arasında onlayn şahmat turnirinin finalında Ermənistan təmsilçisi "Ararat"ı məğlub edib - 380:307. Bununla da təmsilçimiz pilot yarışın qalibi olub.

Rauf Məmmədov, Qədir Hüseynov, Zaur Məmmədov, Nicat Abasov, Vüqar Rəsulov, Misrəddin İskəndərov və digər şahmatçıların yer aldığı Azərbaycan komandası 1/4 finalda Serbiya, yarımfinalda isə Amerika komandasını məğlub edib.

Turnirlə bağlı özünün "Feysbuk" hesabından paylaşım edən qrossmeyster Rauf Məmmədov qələbəyə görə komanda yoldaşlarına minnətdarlığını bildirib: "İki həftə davam edən turnir dünən yekunlaşdı. Nəticədə biz qalib olduq. Qədir Hüseynovun səyi ilə dostumuz və həmkarımız Vüqar Həşimovun şərəfinə komanda yaratdıq. Finalda Ermənistan komandasını məğlub etməyi bacardıq. Komandanın bütün üzvlərinə təşəkkür edirəm".

 


Etiketlər:  Azərbaycan komandası finalda Araratı məğlub etdi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ