Tofiq Yaqublu xəstəxanadan evə buraxıldı (ƏLAVƏ OLUNUB) (FOTO)

Tarix: 18 Sentyabr 2020 17:30

Bakı. Ceyhun Ələkbərov - Trend:

Tofiq Yaqublu xəstəxanadan evə buraxılıb.

Bu barədə Trend-ə Baku City Hospitaldan məlumat verilib.

XXX

17:15

Bu gün Bakı Apellyasiya Məhkəməsi Tofiq Yaqublu barəsində olan həbs qəti imkan tədbirinin ev dustaqlığı ilə dəyişdirilməsi barədə qərar qəbul edib.

Həbsdə olan zaman aclıq aksiyası keçirən Tofiq Yaqublunun vəziyyəti pisləşdiyindən onu Baku City Hospitala köçürmüşdülər. Bu gün ev dustaqlığına buraxılan T.Yaqublu artıq xəstəxanadan da evə yola salınır.

Bu barədə Trend-ə xəstəxanadan məlumat veriblər.

Qeyd olunub ki, hazırda Tofiq Yaqublunun yaxınları gəlib və xəstə evə yola salınır.

XXX

17:10

Tofiq Yaqublu aclıq aksiyasını dayandırıb

Trend-in məlumatına görə, bu barədə onun həkimi Adil Qeybulla məlumat verib.

Onun sözlərinə görə, T.Yaqublunun xəstəxanadan evə buraxılması məsələsi ailə üzvləri ilə müzakirə edilir:

“Bir ziyalı kimi öz şəxsi müraciətimə müsbət cavab verdikləri üçün ölkə rəhbərliyinə təşəkkür edirəm”.