Aktual mövzular: Dollar alış-satışı, Neftin qiyməti, COP29, Hava proqnozu

''Sivasspor'' “Qarabağ”la oyuna ciddi itkilərlə çıxacaq

''Sivasspor'' “Qarabağ”la oyuna ciddi itkilərlə çıxacaq

Tarix: 2 Noyabr 2020 10:50

Avropa Liqasının qrup mərhələsinin 3-cü turunda "Qarabağ"ı qəbul edəcək "Sivasspor"un heyətində ciddi itkilər var.

Sonxeber.net qol.az-a istinadən xəbər verir ki, üç futbolçunun qarşıdakı matçı buraxacağı dəqiqdir. Sol ayaq əzələsində yırtıq aşkarlanan ispaniyalı yarımmüdafiəçi Xorxe Feliks 4 həftə yaşıl meydanlardan kənarda qalacaq.

Sağ dizində problem yaranan ukraynalı yarımmüdafiəçi Sergey Rıbalka və əzələsi yırtılan kapitan Ziya Erdalın 1 həftədən sonra məşqlərə başlayacağı bildirilib.

Digər zədəli Marselo Qoyanonun müalicəsinin başa çatdığı və komanda ilə hazırlıq prosesinə qoşulacağı gözlənilir.

Ayağından əməliyyat olunmuş qabonlu müdafiəçi Aaron Appindanqoenin də müalicəsində sonuncu mərhələ başlayıb. Bu iki futbolçunun da "Qarabağ"la oyunda iştirakı sual altındadır.

Qeyd edək ki, noyabrın 5-də keçiriləcək "Sivasspor" - "Qarabağ" matçı Bakı vaxtı ilə saat 21:55-də başlayacaq. 


Etiketlər:  Sivasspor Qarabağla oyuna ciddi itkilərlə çıxacaq


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ