PSJ Neymarı sata bilər - açıqlama

Tarix: 9 Iyul 2019 10:00

PSJ komandanın məşqinə qatılmayan futbolçusu Neymarı sata bilər.

Qol.az-ın "Le Parisien"ə istinadən yaydığı xəbərə görə, bu barədə klubun yeni idman direktoru Leonardo məlumat verib: "Mən Neymarla danışdım, amma söhbətin bütün detallarını açıqlamaq istəmirəm. Mən, həmçinin onun ətrafı ilə də danışdım. Mövqe hər  kəsə aydındır. Amma Neymarın PSJ  ilə üç illik müqaviləsi var. Onunla bağlı təklif almadığımız üçün heç nəyi müzakirə edə bilmərik.

Oyunçunun klubu tərk etmək istəyi futbolda normal hadisədir Bu, biabırçılıq kimi qəbul edilməməlidir. Futbolçu məşqlərə qoşulmursa, bu, klubun deyil, oyunçunun günahıdır və məsuliyyəti o daşıyır. Neymarla bağlı heç bir təklif almamışıq. Münasib təklif alsaq, futbolçu PSJ-dən ayrıla bilər. Ancaq indi onu kiminsə istəyib-istəmədiyini və hansı qiymətə almağı düşündüyünü bilmirik. Bu, bir günün işi deyil. PSJ yalnız burda qalmaq və böyük işlər görmək istəyən oyunçulara güvənir".

Qeyd edək ki, Neymar klubdan icazə almadan komandanın dünənki məşqinə qatılmayıb. Onunla "Barselona"nın maraqlandığı iddia olunur.