Aktual mövzular: Dollar alış-satışı, Məzənnə, Neftin qiyməti

Carlsberg Azerbaijan və AzərŞəkər şirkətləri əməkdaşlıq memorandumu imzalayıblar (FOTO)

Carlsberg Azerbaijan və AzərŞəkər şirkətləri əməkdaşlıq memorandumu imzalayıblar (FOTO)

Tarix: 30 Noyabr 2020 15:54

Bakı. Trend:

26 noyabr 2020-ci il tarixində Carlsberg Azerbaijan və AzərŞəkər şirkətlərinin ölkədə pivəlik arpa kultivasiyasının inkişafı üzrə tərəfdaşlığı çərçivəsində gələcək əməkdaşlıq haqqında memorandumun imzalanması baş tutdu.

Xatırladaq ki, 2019-cu ildə pivə istehsalı üçün xammalın lokalizasiyası məqsədilə Carlsberg Azerbaijan və AzərŞəkər şirkətləri tərəfindən Azərbaycanda pivəlik arpa becərilməsi üzrə pilot layihəyə start verildi. Pilot əkinin əsas məqsədi yerli şəraitdə sınaqların aparılması, pivə istehsalı üçün yararlılıq nöqteyi-nəzərindən keyfiyyət göstəricilərinə uyğunluğun müəyyən edilməsi yolu ilə sınaqdan keçirilən növlərin potensial məhsuldarlığının aşkar edilməsindən ibarət idi. Pivə istehsalı üçün ilk yerli arpa məhsulunun nümunələri Carlsberg Group-un yerli və regional laboratoriyalarında sınaqdan keçirildi və bu, layihənin daha da genişləndirilməsinə imkan yaratdı.

Beləliklə, 2020-ci ilin noyabr ayının ortasında Şəmkir rayonunda 70 ha ərazidə pivəlik arpa əkini həyata keçirildi ki, bu da 2021-ci ildə Carlsberg Azerbaijan-ın pivə istehsalı üçün arpaya olan illik tələbatının 10%-dən çoxunu təmin etməyə və 2022-ci ilə yerli arpa ilə təmin olunmanı mühüm səviyyədə artırmağa imkan verəcək.

Memorandum imzalanması təşəbbüskar şirkətlər, həmçinin Azərbaycan Respublikası İqtisadiyyat Nazirliyi yanında Antiinhisar Siyasəti və İstehlak Bazarına Nəzarət Dövlət Xidməti və Kənd Təsərrüfatı Nazirliyinin nümayəndələrinin iştirakı ilə keçirilən dəyirmi masa çərçivəsində baş tutdu. COVID-19 pandemiyası ilə əlaqədar olaraq tədbir epidemioloji təhlükəsizlik tələblərinə uyğun olaraq təşkil edilmişdir.

Dəyirmi masa ətrafında tərəflər layihənin inkişafının perspektivlərini, həmçinin pivə istehsalı üçün zəruri olan bir sıra digər xammal növlərinin lokalizasiya imkanlarını müzakirə etdilər.

Anar Mehdiyev, AzərŞəkər şirkətinin baş direktoru: 3 ildən artıqdır fəaliyyət göstərən Azərşəkər şirkətinin məqsədi, ölkəmizin müxtəlif rayonlarında müasir kənd təsərrüfatlar yaratmaq və innovativ əkinçiliyin inkişafına yatırım etməkdir. Düşünürəm ki, bu istiqamətdə 3 il kimi qısa müddətdə önəmli uğurlara imza atmışıq. Qarşımıza qoyduğumuz əsas hədəflərdən biri də ölkəmizdə istehlak olunan ərzaq məhsullarının istehsalının yerli xammal hesabına həyata keçirilməsidir. Becərdiyimiz ilk məhsullardan biri də şəkər çuğundurudur. Bu ilki məhsuldarlığımız 80 t/ha olmuşdur və bu kifayət qədər önəmli nəticədir.

Uzun müddətdir Azərbaycanda pivə istehalını həyata keçirən Carlsberg Azerbaijan şirkətinin istehsal zamanı yerli arpa xammalından istifadə etmək istəyi bizi sevindirir. Bu təşəbbüsə görə, başda Vyaçeslav Maltsev olmaqla Carlsberg Azerbaijan şirkətinə təşəkkür edirik. Carlsberg Azərbaycan şirkəti ilə birlikdə ötən il həyata keçirdiyimiz test əkinləri uğurla başa çatmışdır. Bu səbəbdən əməkdaşlığımızı yeni mərhələyə keçirərək bu gün əməkdaşlıq memorandumu imzalayırıq. Əminik ki, əməkdaşlığımız tək şirkətlərimiz üçün deyil, həm də ölkə iqtisadiyyatına və idxalın azalmasına töhvə verəcəkdir.”

Vyaçeslav Maltsev, Carlsberg Azerbaijan-ın baş direktoru: “Tərəfimizdən imzalanmış əməkdaşlıq haqqında memorandum təkcə Carlsberg Azerbaijan və AzərŞəkər üçün deyil, həm də Azərbaycan iqtisadiyyatı üçün olduqca mühüm əhəmiyyət kəsb edir. Bu əməkdaşlıq onilliklər keçdikdən sonra məhsuldar Azərbaycan torpaqlarında pivəlik arpa becərilməsini canlandıracaq və tərəfimizdən istehsal olunan pivənin 100% Azərbaycan pivəsi olmasını təmin edəcəkdir: çünki məhsulumuz Xırdalanda yerləşən zavodumuzda, Şəmkirdə becərilmiş arpadan Azərbaycanlı pivəbişirəninin sayıq nəzarəti altında, şübhəsiz ki, Carlsberg Group-un dəyişilməz yüksək keyfiyyət standartlarına əməl edilməklə istehsal olunacaq. Əminəm ki, biz yolun lap əvvəlindəyik və Azərbaycanda becərilən pivəlik arpa yaxın illərdə yerli istehsalçıların xammal tələbatını tamamilə ödəməklə yanaşı, həm də ixrac məhsuluna çevirməyə imkan verəcəkdir.”

Carlsberg Azerbaijan və AzərŞəkər şirkətləri əməkdaşlıq memorandumu imzalayıblar (FOTO) - Gallery Image Carlsberg Azerbaijan və AzərŞəkər şirkətləri əməkdaşlıq memorandumu imzalayıblar (FOTO) - Gallery Image Carlsberg Azerbaijan və AzərŞəkər şirkətləri əməkdaşlıq memorandumu imzalayıblar (FOTO) - Gallery Image Carlsberg Azerbaijan və AzərŞəkər şirkətləri əməkdaşlıq memorandumu imzalayıblar (FOTO) - Gallery Image Carlsberg Azerbaijan və AzərŞəkər şirkətləri əməkdaşlıq memorandumu imzalayıblar (FOTO) - Gallery Image Carlsberg Azerbaijan və AzərŞəkər şirkətləri əməkdaşlıq memorandumu imzalayıblar (FOTO) - Gallery Image


Etiketlər:  Carlsberg Azerbaijan AzərŞəkər şirkətləri əməkdaşlıq memorandumu imzalayıblar FOTO


RƏYLƏR



Populyar Xəbərlər

XƏBƏR LENTİ