Aktual mövzular: Dollar alış-satışı, Neftin qiyməti, COP29, Hava proqnozu

““S-400”ün alınması Türkiyənin NATO-dan uzaqlaşması demək deyil”

Tarix: 10 Dekabr 2020 12:46

Türkiyə Rusiyadan "S-400" zenit raket komplekslərinin tədarükünün bütün aspektlərini diqqətlə izləyir. Burada siyasi, müdafiə, iqtisadi və texnoloji komponentlərdən söhbət gedir.

Sonxeber.net qafqazinfo-ya istinadən xəbər verir ki, bunu Türkiyənin müdafiə naziri Hulusi Akar 2021-ci il dövlət büdcəsi layihəsinin parlament müzakirələrində çıxış edərkən deyib.

Nazirin sözlərinə görə, Rusiya ilə "S-400" müqaviləsi seçim məsələsi deyil, Türkiyənin milli maraqlarının təcili bir tələbi idi.

O bildirib ki, komplekslərin sınaqdan keçirilməsi və yerləşdirilməsi təsdiqlənmiş plana uyğun olaraq davam edir.

Akar vurğulayıb ki, Rusiya komplekslərinin alınması Ankaranın NATO-dan uzaqlaşması demək deyil.

ABŞ-ın "S-400" kompleksləri və beşinci nəsil "F-35" təyyarələrinin uyğunsuzluğu ilə bağlı iddialarının əsassız olduğunu qeyd edən Akar "NATO nümayəndələrinin iştirakı ilə ortaq işçi qrupu çərçivəsində Amerika tərəfi ilə bu məsələni hazırlamağa hazırıq. Türk tərəfinin bu təşəbbüsü hələ də aktualdır",-deyə o bildirib.

Whatsapp ilə göndər