Aktual mövzular: Dollar alış-satışı, Neftin qiyməti, COP29, Hava proqnozu

Bakıda oğurlanan avtomobil Ağsuda bu vəziyyətdə tapıldı (FOTO/VİDEO)

Tarix: 17 Dekabr 2020 11:36

Bakı. Ceyhun Ələkbərov - Trend:

Dekabrın 12-ində Bakının Nərimanov rayonundan oğurlanan VAZ 21011 markalı avtomobil ötən gecə Ağsu rayonunun ərazisindən tapılıb.

Avtomobilin sahibi Varis Almazlı Trend-ə bildirib ki, maşın polislər tərəfindən aşkar olunub, ancaq çox təəssüf ki, oğrular onu yararsız vəziyyətə salıblar.

"Avtomobilin sərnişin yerinə əlavə avadanlıqlar almışdım, onların hər biri yoxa çıxıb. Oturacaqlara kimi avtomobilin daxilində olan bütün hissələr sökülüb. Mühərrikindən bir neçə hissə də oğurlanmışdı, polislər kimə satılıbsa, ondan geri alaraq avtomobilin üzərinə qoyublar".

V.Almazlı əlavə edib ki, oğrular avtomobilin ban hissəsinə də ziyan vurublar.