Aktual mövzular: Dollar alış-satışı, Neftin qiyməti, COP29, Hava proqnozu

Yanacaq qiymətinin dəyişməsi bu avtomobillərə marağı azalda bilər

Tarix: 6 Yanvar 2021 17:32

Bakı. Elçin Mehdiyev - Trend:

Azərbaycanda Aİ-92 benzininin və dizel yanacağının qiymətinin dəyişməsi və bu iki yanacaq növü arasındakı qiymət fərqinin azalması dizel ilə işləyən avtomobillərin qiymətində müəyyən azalmaya səbəb ola bilər.

Bunu Trend-ə əmlak məsələləri üzrə ekspert Ramil Osmanlı deyib.

R.Osmanlı bildirib ki, dizelin qiymətində dəyişmə bu yanacaqla işləyən avtomobillərə marağı bir qədər azalda bilər:

“Mühərrik həcmi böyük olan və eyni konfiqurasiyaya malik, dizel və benzinlə işləyən eyni markalı avtonəqliyyat vasitələri arasında bəzən 3-5 min manat qiymət fərqi olurdu. İndi hesab edirəm ki, bu fərq aradan qalxacaq, təqribən 1-2 min manat qiymət fərqi qalacaq”.

Ekspert hesab edir ki, ümumilikdə isə yanacağın qiymətindəki dəyişiklik avtomobil bazarında qiymətlərə ciddi təsir etməyəcək:

“Avtomobillərin qiymətinə daha çox idxala tətbiq olunan müəyyən məhdudiyyətlər, vergilərin, aksiz rüsumların artırılması və s. kimi qərarlar təsir edə bilər. Yanacaq qiymətinin dəyişməsi isə ciddi təsir etmir”.

Whatsapp ilə göndər