Aktual mövzular: Dollar alış-satışı, Məzənnə, Neftin qiyməti

Alimlər yeni yaşlanma mexanizmi kəşf ediblər

Tarix: 9 Yanvar 2021 16:12

Yaponiyanın Tokio Universitetinin Tibb Elmləri İnstitutunun alimləri qan əmələ gətirən hüceyrələrin yenidən gənc olmasının qarşısını alan naməlum qan yaşlanma mexanizmi kəşf ediblər.

Milli.Az Sputnik Azərbaycan-a istinadən xəbər verir ki, tədqiqatçılar 20 aylıq gəmiricilərdən köhnə hematopoetik kök hüceyrələri 8 həftəlik gənc siçanlara köçürüblər.

Bu zaman köhnə hüceyrələrdəki genlərin aktivliyini dəyişərək gənc hüceyrələrə bənzədiyi, lakin funksiyalarının bərpa edilmədiyi müəyyən edilib.

Bu, DNT metilasiyasının (yəni DNT-yə bağlı olan metil qruplarının sayının) dəyişməməsi ilə izah olunur. Başqa sözlə, hüceyrələr praktik olaraq cavanlaşmır.

Eyni zamanda, alimlər nəticələrin yaşla əlaqəli qan xəstəlikləri üçün yeni müalicələrin inkişafına kömək edəcəyinə ümid edirlər.

Milli.Az

Whatsapp ilə göndər