Serbiya 2023-cü ildə Azərbaycan qazını ala bilər

Tarix: 21 Yanvar 2021 11:52

Bakı. Ləman Zeynalova, tərcümə Orxan Nəbiyev - Trend:

Serbiya Bolqarıstanla qaz kəmərinin tikintisini 2023-cü ilin əvvəlindək başa çatdırmağı planlaşdırır. Bu, Serbiyaya həm də Azərbaycan qaznı əldə etməyə imkan verəcək.

Trend-in məlumatına görə, bunu ölkənin energetika naziri Zoran Mixayloviç deyib.

O bildirib ki, tikinti işləri bir il yarım davam edəcək:

"2023-cü ildə Serbiya Niş-Dimitrovqrad-Sofiya xətti ilə Bolqarıstana birləşəcək və bu bizə digər mənbələrdən, o cümlədən Azərbaycandan qaz almağa imkan verəcək".

Nazir əlavə edib ki, qaz kəmərinin tikintisi üçün tender gələn həftə elan olunacaq, tikinti işlərinin yayda başlanması planlaşdırılır.

Niş-Dimitrovqrad qaz kəmərinin dəyəri 85,5 milyon avro təşkil edəcək.