Aktual mövzular: Dollar alış-satışı, Neftin qiyməti, COP29, Hava proqnozu

Ukrayna kanalında Xocalı soyqırımına dair xüsusi reportaj yayımlanıb - FOTO

Tarix: 2 Mart 2021 15:30

Ukraynanın "5 kanal" telekanalında Azərbaycan Xocalı soyqırımı ilə bağlı xüsusi reportaj yayımlanıb.

Sonxeber.net AZƏRTAC-a istinadən bildirir ki, reportajda 1992-ci ildə Xocalı şəhərinin blokadaya alındığı və sonra oraya hücumun edildiyi bildirilib. Ukraynalı jurnalist faciə zamanı ermənilərin insanlıq və bəşəriyyət əleyhinə törətdikləri müharibə cinayətləri barədə Xocalı soyqırımı şahidlərinin fikirlərini öyrənib. Reportajda bildirilir ki, Xocalı soyqırımı zamanı 613 nəfər qətlə yetirilib.

Ukraynalı jurnalist vurğulayır ki, Azərbaycan 44 günlük müharibədən sonra torpaqlarını işğaldan azad edib. Reportajda Ağdam şəhərindən, ermənilərin şəhəri necə viran qoyması ilə bağlı görüntülər də yer alıb.