Aktual mövzular: Dollar alış-satışı, Neftin qiyməti, COP29, Hava proqnozu

Ağalarovlar Azərbaycanda yeni restoranlar AÇACAQ

Tarix: 16 Mart 2021 12:18

"Crocus Group" 2021-2022-ci illərdə Azərbaycanın restoran bazarında mövcudluğunu gücləndirəcək.

Sonxeber.net unikal.org-a istinadən bildirir ki, bu barədə holdinqin ortağı Emin Ağalarov "Kommersant"a açıqlamasında bildirib.

İş adamının sözlərinə görə, şirkət 2021-2022-ci illərdə restoran layihələrinə təxminən 1 milyard rubl sərmayə qoymağı planlaşdırır.

"Təkcə 2021-2022-ci illərdə Bakıda və "Sea Breeze Resort"da yeddi yeni restoran açmağı planlaşdırırıq. Bəzi layihələrimiz artıq tanınmış markalardır: "Zafferano", "Edoko", "Forte Bello", "Fish Box", "Cafe Milano",- deyə Ağalarov qeyd edib.

Hazırda "Crocus Group" şirkətinin idarə etdiyi restoranların ümumi sayı 52-dir. 2020-ci ildə qrupun biznesinin restoran hissəsinin dövriyyəsi üç dəfə azalıb, iki il ərzində isə şirkət bu göstəricinin 70% artacağını gözləyir.

Whatsapp ilə göndər