NASA “Apofis” asteroidinin Yerə təhlükəsi barədə məlumata aydınlıq gətirdi

Tarix: 30 Mart 2021 22:12

ABŞ-ın Milli Kosmik və Aviasiya İdarəsi (NASA) "Apofis" asteroidinin hansısa bir anda Yer planetinə zərbə endirəcəyi barədə məlumatlara aydınlıq gətirib.

Sonxeber.net ted.az-a istinadən bildirir ki, bununla bağlı hər hansı təhlükə mövcud deyil.

Qeyd edək ki, "Apofis"in Yer planeti üçün potensial təhlükəli asteroid olduğu bildirilib. Lakin NASA-da qeyd ediblər ki, asteroid 2029 və ya 2036 ildə Yer kürəsi ilə toqquşmayacaq.

Mütəxəssislər daha sonra əlavə ediblər ki, toqquşmalar 2068-ci ildə də olmayacaq.

Son günlər Yer kürəsi yaxınlığından müxtəlif ölçülü asteroidlər uçub. Sonuncu dəfə martın 23-də Yer kürəsinin yaxınlığından nəhəng asteroid keçib. "2001 FO32" adı verilən asteroid bu il üçün gözlənilən ən nəhəng meteorit kimi qiymətləndirilib.