Aktual mövzular: Dollar alış-satışı, Neftin qiyməti, COP29, Hava proqnozu

“LG” şirkəti smartfon istehsalından rəsmən imtina edib

Tarix: 5 Aprel 2021 17:09

Cənubi Koreyanın "LG" şirkəti smartfon istehsalını rəsmən dayandırdığını açıqlayıb. Bu haqda ən böyük istehlak elektronikası və məişət texnikası istehsalçısının saytında məlumat verilib.

"ICTnews" Elektron Xəbər Xidməti "lenta.ru" saytına istinadən yazır ki, müvafiq qərar direktorlar şurası tərəfindən qəbul edilib. "LG-nin mobil telefonlar sektorunu tərk etməsi şirkətə öz resurslarını elektrik avtomobillərinin komponentləri, internetə qoşulan cihazlar, "ağıllı" evlər, robot texnikası, süni intellekt və biznes həlləri, həmçinin platforma və xidmətlər kimi sahələrə yönəltməyə imkan verəcək" – məlumatda deyilir.

"LG" şirkətinin istehsal edilmiş telefonları əvvəlki kimi satış üçün əlçatan olacaq. Şirkət regiondan asılı olaraq müəyyən müddət ərzində mövcud mobil məhsulların müştəriləri üçün xidmət dəstəyi göstərməyə və proqram təminatını yeniləməyə davam edəcək.

Emil Hüseynov

Whatsapp ilə göndər