“FINCA Azerbaijan” Bakı şəhərində Mərkəz filialını açdı (FOTO)

Tarix: 1 Avqust 2019 16:27

Bakı. Trend:

“FINCA Azerbaijan” filial şəbəkəsinin genişləndirilməsi planları çərçivəsində Bakı şəhərində Mərkəz filialının açılışını edib.

Rəsmi açılış mərasimində “FINCA Azerbaijan”ın ölkə üzrə direktoru Timoti Tarrant, təşkilatın işçi heyəti və müştərilər iştirak edib.

“FINCA Azerbaijan”ın Mərkəz filialı Bakı, Sumqayıt şəhərləri və Abşeron yarımadasının sakinlərini, xüsusilə, ticarət, xidmət və kənd təsərrüfatı sahəsində çalışan insanları məsuliyyətli maliyyə xidmətləri ilə təmin edəcəkdir.
Açılış mərasimində çıxış edən Timoti Tarrant bunları deyib: “FINCA” ölkədə çalışan kiçik sahibkarları mikro kreditlər vasitəsilə dəstəkləməyə davam edir. Bakı şəhəri və ona yaxın yerləşən ərazilərdəki müştərilərimiz Mərkəz filialımız vasitəsilə onlara lazım olan kredit məhsullarından faydalana biləcəklər”.

Mərkəz filialı Bakı şəhəri, Nəsimi rayonu, Məmmədcəfər Cəfərov küçəsi 16 ünvanında – Memar Əcəmi metrosunun yaxınlığında fəaliyyət göstərir.
FINCA yaxın vaxtlarda Ağdaş, Bərdə, Salyan və Lənkəranda da yeni filiallarının rəsmi açılışını həyata keçirəcək.

20 ildən çoxdur Azərbaycanda fəaliyyət göstərən FINCA bu müddət ərzində bir milyondan çox müştəriyə 1.2 milyard dollar həcmində mikro və kiçik sahibkarlıq kreditləri ayırmışdır. Bu, Azərbaycanın mikromaliyyə sektorunda ümumilikdə milyondan çox ailənin öz bizneslərini inkişaf etdirməsinə, maliyyə imkanlarını genişləndirməsinə və ailə gəlirlərini artırmasına yardım etmişdir. Bu kreditlər kənd təsərrüfatı sektorunda yüz minlərlə yeni iş yerlərinin yaranmasına və dayanıqlı olmasına köməklik göstərmişdir.

“FINCA Azerbaijan” haqqında
“FINCA Azerbaijan” icma əsaslı 20 mikromaliyyə institutu və banka sahib “FINCA Impact Finance” şəbəkəsinin bir hissəsidir və Azərbaycanda 1998-ci ildən bəri fəaliyyət göstərir. Bu qlobal şəbəkə aşağı gəlirli müştərilərin öz maliyyəsini genişləndirməsi üçün onlara yenilikçi, məsuliyyətli və əsaslı təsir imkanları olan maliyyə xidmətləri təklif edir. “FINCA Azerbaijan” ölkənin aparıcı mikromaliyyə təşkilatı olaraq kiçik sahibkarların gəlirlərini artırmasını təşviq etmək niyyətilə onlara müxtəlif kredit məhsulları təklif edir. Şirkət kənd təsərrüfatı üzrə kreditlərin verilməsinə daha çox önəm verir. Əlavə məlumat üçün www.finca.az saytını ziyarət edə bilərsiniz.

Trend-in ən mühüm və maraqlı xəbərlərini "Telegram"da izləyin