“Futbolçuları düşünən yoxdur” – Klopp narazıdır

Tarix: 3 Avqust 2019 09:40

“Liverpul”un baş məşqçisi Yurgen Klopp İngiltərə Premyer Liqasının təqvimindən narazılıq edib.

Qol.az BBC-yə istinadən xəbər verir ki, alman mütəxəsis mövsümün tez başlamasından şikayətlənib.

“Mən Karlo Ançelotti ilə danışmışam. A seriyasında da 20 komanda var. Amma orda çempionat 24 avqustda başlayır. Kalidu Kulibali və Mane Afrika Millətlər Liqasında oynayıb. Onun dörd həftəlik istirahəti var. Qayıtmağa da hazırlaşmır. Mən başa düşmürəm, biz niyə çempionata erkən başlayırıq. Premyer Liqa əla turnirdir. Məncə, biz hər həftə oynaya bilərik. Amma futbolçuları da düşünmək lazımdır ki, bununla da məşğul olan yoxdur”.

Xatırladaq ki, 2019/20 İngiltərə Premyer Liqası avqustun 9-u “Liverpul” – “Norviç Siti” oyunu ilə start götürür.