Aktual mövzular: Dollar alış-satışı, Neftin qiyməti, COP29, Hava proqnozu

Qorbaçovun qalmaqallı xanımı haqqında film çəkiləcək - FOTO

Tarix: 4 Iyun 2021 13:00

2022-ci ilədək Maksim Qorki adına kinostudiya Raisa Gorbaçova haqqında sənədli film çəkməyi planlaşdırır. Ekran əsəri onun 90 illik yubileyinə təsadüf edəcək.

Sonxeber.net "bizim.media"ya istinadən xəbər verir ki, bu haqda məlumatı "mk.ru" saytı yayıb.

"SSRİ-nin birinci xanımı canlı, səmimi və insanlara doğma şəkildə tamaşaçı qarşısına çıxacaq. İlk dəfə şəxsi arxivləri ictimaiyyətə açıqlanacaq. Ağıllı, şık, təhsilli, lakin həssas və sevgi dolu bir qadının portretini görəcəyik". Kinostudiyanın sənədli filmlər departamentinin kreativ prodüseri Anastasiya Rıçina belə deyib.

Onun sözlərinə görə, bu Raisa Maksimovnaya həsr olunmuş ilk böyük sənədli layihədir.

Qorbaçovanın şəxsi yazıları filmdə yayımlanacaq, Mixail Qorbaçov, qızı İrina Virqanskaya, bacısı Lyudmila Titarenko da çıxış edəcək.

Raisa Qorbaçova SSRİ-nin ilk prezidenti Mixail Qorbaçovun həyat yoldaşıdır. 1999-cu ildə kəskin leykoz xəstəliyindən vəfat edib.