Aktual mövzular: Dollar alış-satışı, Neftin qiyməti, COP29, Hava proqnozu

“Səni itirəndə canımdan can getdi” - Şəhid Milli Qəhrəmanın oğlu

Tarix: 14 Iyun 2021 10:30

Azərbaycanın Milli Qəhrəmanı, ötən il iyulun 14-də Tovuz rayonu istiqamətində baş vermiş döyüşlər zamanı şəhid olmuş polkovnik İlqar Mirzəyevin oğlu Elvin Mirzəyev sosial şəbəkədə atası ilə bağlı təsirli paylaşım edib.

Milli.Az Unikal.org-a istinadən həmin paylaşımı təqdim edir:

"11 ay oldu, canım atam. Yaman darıxırıq sənin üçün. Hər yerdə səni axtarıram. Sən mənim arxa, dayağım idin. Canımdan can getdi səni itirəndə. Gülərüz, mehriban atam. Nə yaxşı xüsusiyyətlər var idisə, səndə toplanmışdı. Üzün hər zaman gülərdi. Bizim də hər zaman kədərdən uzaq, xoşbəxt olmağımızı istərdin. Üzümüzdən gülüş əksik olmasın istərdin. Amma, ata, indi gülsəm belə, sənsizlik ağır gəlir. Və ağırlıq, boşluq hər zaman ürəyimizdə qalacaq.

Əvəz olunmaz insan, gözəl şəxsiyyət, mərd, peşəkar zabit, Azərbaycanın Milli Qəhrəmanı, ruhun şad olsun! Unudulmayacaqsan, Cənab Polkovnik!"

Milli.Az

Whatsapp ilə göndər