Rəhim Rəhimli hansı müğənnilərə qadağa qoyub - Adlar

Tarix: 14 Iyun 2021 18:25

Müğənni Rəhim Rəhimli MTV kanalında direktor olduğu ərəfədə qadağa qoyduğu sənət adamlarından danışıb.

Sonxeber.net axşam.az-a istinadən xəbər verir ki, bu haqda "ATV maqazin onlarla" proqramında danışan sənətçi Xalq artisti Röya Ayxan, rəqqasə Fatimə Fətəliyevaya qadağa qoyduğunu etiraf edib:

"Röyanın klipləri gedirdi. Baxmırlar ki, MTV-də səhər, günorta, axşam klipi yayımlanırdı. Bizim aramızda mübahisə heç bir şeydən alovlandı.

Fatimənin ATV-də efirə çıxmasına mən kömək etmişəm. Şou gedirdi, rəqqasə lazım oldu. Bir dostum dedi ki, əla rəqs edən qız var. Beləcə, Fatiməni gətirdik efirə. Bir gün Fatimənin evindən reportaj hazırlanır, ona yardım edənlər arasında mənim adım çəkilmir. İncidim, ona görə də Fatimənin heç bir məclisində olmamışam. Fatimə yalan danışır, çox pis yalan danışır. Bir dəfə də mənə zəng edib ki, məclis qiymətini denən. Qiyməti dedim, qayıtdı ki, olar onun üstünə pul qoyum? Dedim, buna ehtiyacın yoxdur, ayıb deyilən bir şey var. Düşünmürsən ki, bu adamın hesabına efirə gəlmişəm. Sən durub əlindən tutub efirə çıxarana bunu deyirsən".