''Lüks düşkünlüyü görməmişlikdən irəli gəlir''

Tarix: 27 Iyul 2021 13:40

"Hesab edirəm ki, lüks düşkünlüyü mənəvi kasıblıqdan irəli gəlir. El arasında "görməmişlik" deyirlər. Görmüsənsə, həyatda daha yüksək, mənəvi şeylər səni maraqlandırır".

Sonxeber.net axşam.az-a istinadən xəbər verir ki, bu sözləri müğənni-bəstəkar Murad Arif sosial şəbəkədə yazıb.

"İmkan nədir. Rahatlıq. Ev, maşın, bağ rahatlıq üçündür. Varsa, gözəldir. Yoxdur, işlə qazan. Amma bütün canını daha çox qazanmağa fəda etmək, hər gün özünü daha bahalı göstərmək, marka düşkünlüyü, varını dayanmadan gözə soxmaq, qızıl unitaza gətirib çıxardır. Bütün günü dilənib, oğurluq edib, qızıl zəncir taxan adamları xatırlayın. Var-dövlətini nümayiş etmək, pis tondur, etiket və səviyyə problemidir. Bilirəm ki, bəzən "günəş" yazarsan, "güləş" oxuyarlar. Ona görə də, təkrar edirəm: Söhbət bahalı yaşamaqdan getmir. Söhbət düşkünlükdən gedir. Xəstə formasından bəhs edirəm" deyə, sənətçi sözlərinə davam edib.