Bəzi tikinti materialları bir sıra xəstəliklərə yol açır - XƏBƏRDARLIQ - VİDEO

Tarix: 9 Avqust 2021 12:36

Bəzi tikinti materialları bir sıra xəstəliklərə yol açır. Bu səbəbdən mütəxəssislər xəbərdarlıq edir.

Sonxeber.net xezerxeber.az-a istinadən bildirir ki, tibb üzrə fəlsəfə doktoru Şəmsiyə Namazlının sözlərinə görə, dekorativ boyaların çoxunda istifadə olunan qurğuşun, xüsusilə sinir sisteminə mənfi təsir edir. Hətta Ümumdünya Səhiyyə Təşkilatı tərəfindən tərkibində qurğuşunun çox olduğu boyalardan  istifadə olunan evlərdə yaşayan uşaqlarda əqli cəhətdən geriləmə olduğu sübuta yetirib.

Elə vətəndaşların özləri də qiymətin ucuz olmasına görə bəzən keyfiyyətsiz məhsullara  üstünlük verdiklərini  deyirlər. Lakin indiyə qədər onlara satıcılar tərəfindən  materialda istifadə edilən kimyəvi maddələr barəsində ətraflı məlumat verilməyib.

Həkim onu da qeyd edir ki, vətəndaşlar satın aldıqları məhsulların sertifikatını tələb etməlidirlər.           

Mövzu ilə bağlı daha ətraflı videomaterialı təqdim edirik: