Aktual mövzular: Dollar alış-satışı, Məzənnə, Neftin qiyməti

Rusiya “AstraZeneca” vaksininin istehsalına başladı

Tarix: 18 Sentyabr 2021 09:32

Rusiyanın əczaçılıq şirkəti "R-Pharm" Oksford Universiteti və "AstraZeneca"nın lisenziyası ilə koronavirus peyvəndinin istehsalına başlayıb.

Milli.Az oxu.az-a istinadən xəbər verir ki, dərman ixrac üçün istehsal olunacaq.

"Xarici peyvəndlər artıq Rusiyada istehsal olunur və "AstraZeneca" "R-Pharm"da ixrac müqavilələri əsasında istehsal olunur", - deyə ölkənin sənaye və ticarət nazirinin birinci müavini Vasili Osmakov bildirib.

"Daxili bazara gəldikdə, öz məhsullarımızla tam təmin olunmuşuq. Hər şey mümkündür, xüsusən də gələcəkdə, amma burada və indi, tələsik tələbatın fonunda, öz istehsal sahələrimizlə işləyirik", - deyə o əlavə edib.

Şirkət "AstraZeneca"nın ilk partiyasını iyun ayında buraxmağı planlaşdırır və "R-Pharm"ın gücü ayda bir neçə yüz min doza vaksin istehsal etməyə imkan verir.

Milli.Az

Whatsapp ilə göndər