Aktual mövzular: Dollar alış-satışı, Neftin qiyməti, COP29, Hava proqnozu
Tarix: 20 Sentyabr 2021 15:48
Rusiyanın İstintaq Komitəsi Perm Dövlət Universitetində baş vermiş atışma ilə bağlı görüntülər yayıb.
Sonxeber.net qafqazinfo-ya istinadən xəbər verir ki, komitənin yutub kanalında paylaşılan videodan universitetin içərisində qan izlərini və gilizləri aydın görmək mümkündür.
Hazırda İstintaq Komitəsinin əməkdaşları hadisə yerində araşdırmaları davam etdirir.
Qeyd edək ki, insident universitetin 18 yaşlı tələbəsi Timur Bekmansurov tərəfindən törədilib. Bildirilir ki, silahlı şəxs hüquq-mühafizə orqanlarına müqavimət göstərsə də, son nəticədə yaralı halda saxlanılıb.
Hadisə nəticəsində 8 nəfər ölüb, 28 nəfər yaralanıb.