Aktual mövzular: Dollar alış-satışı, Məzənnə, Neftin qiyməti
Tarix: 13 Oktyabr 2021 11:24
Şamaxı rayon Mərkəzi Xəstəxanasında saxta COVİD pasportu satılması ilə bağlı cinayət işi başlanıb.
Şamaxı Rayon Prokurorluğundan Milli.Az-a verilən məlumata görə,xəstəxanada qanunsuz olaraq "COVİD-19" əleyhinə vaksinasiya olunması barədə saxta sənədlərin tərtib edilməsi ilə bağlı daxil olmuş məlumat üzrə rayon prokurorluğunda araşdırma aparılmışdır.
Araşdırma ilə qeyd olunan xəstəxananın vəzifəli şəxsləri tərəfindən ayrı-ayrı şəxlərə vaksin vurulmadığı halda "COVİD-19"əleyhinə vaksinasiya olunması barədə saxta sənədlərin tərtib edilməsinə əsaslı şübhələr müəyyən edilmişdir.
Faktla bağlı Şamaxı rayon prokurorluğunda Cinayət Məcəlləsinin 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi başlanmışdır.
Hazırda yuxarıda göstərilən cinayət əməllərinin törədilməsində hər hansı formada iştirak etmiş şəxslərin müəyyən edilməsi məqsədilə intensiv istintaq hərəkətləri davam etdirilir.
Milli.Az