Aktual mövzular: Dollar alış-satışı, Neftin qiyməti, COP29, Hava proqnozu

Kovidə yoluxmuş kişi neçə vaxtdan sonra ata ola bilər? - Uroloqdan cavab

Tarix: 13 Oktyabr 2021 22:39

Kovid virusuna yoluxub, müalicə alıb sağalmış istənilən yaşda kişilər yoluxmadan 3-4 ay sonra ata olmağı planlaşdıra bilər.

Sonxeber.net xəbər verir ki, bu barədə rusiyalı uroloq, akademik Dmitriy Puşkar bildirib.

Akademik qeyd edib ki, koronavirus kişi cinsiyyət sisteminə neqativ təsir edir, bəzən xəstələrin sperm materialında virus aşkarlanıb.

"Xəstəlikdən sonrakı ilk 2 ayda ümumilikdə orqanizmdə neqativ izlər, qan təhlillərində dəyişikliklər qalır. Xüsusən müalicə dərmanlarının qalıqları hələ də sidik, sperm və qanda dövr edir. Üstəlik orqanizm zəifləyir.

Biz ümid edirik ki. sonradan hər şey əvvəlki kimi və sağlam olur. Amma yenə də tövsiyə odur ki, koviddən 2-3 ay sonra hamiləlik və ata olmaq planlaşdırılsın. Əgər bundan tez baş veribsə, elə də ciddi qorxusu yoxdur. Amma bu müddət gözlənilsə daha yaxşıdır.

Kovid vaksininin isə kişilərə əks təsiri yoxdur, vaksinin 2-ci dozasından 2 həftə sonra uşaq barədə addımlar atmaq olar". /medicina.az

Whatsapp ilə göndər