Aktual mövzular: Dollar alış-satışı, Neftin qiyməti, COP29, Hava proqnozu

''Telegram'' istifadəçiləri buna görə PUL ÖDƏYƏCƏKLƏR

Tarix: 6 Noyabr 2021 20:48

"Telegram" messencerinin istifadəçiləri noyabr ayından etibarən ödənişli abunədən istifadə edərək reklamları söndürmək imkanı əldə edə bilərlər.

Sonxeber.net publika.az-a istinadən xəbər verir ki, bu barədə şənbə günü messencerin təsisçisi Pavel Durov öz "Telegram" kanalında yazıb.

"Bir çox istifadəçi "Telegram" kanallarında rəsmi reklamları deaktiv etmək imkanını təklif edib. Biz artıq bu yeni funksiya üzərində işə başlamışıq və bu ay istifadəyə verməyi planlaşdırırıq. Bu, istifadəçilərə "Telegram"ın inkişafını birbaşa maliyyə cəhətdən dəstəkləməyə imkan verəcək ucuz abunə şəklində təqdim edilə bilər, - Durov bildirib.

Durov qeyd edib ki, "Telegram" kanallarında reklamların söndürülməsi üçün iqtisadi şərtlər də nəzərdən keçirilir.

Oktyabrın sonunda "Telegram"ın yaradıcısı rəsmi reklam mesajı xidmətinin yaxınlaşdığını elan edib. Bildirib ki, yenilik yalnız çoxlu abunəçisi olan böyük kanallara təsir edəcək və əldə edilən gəlirlər messencerə istifadəçilərə pulsuz və limitsiz xidmət göstərməyi davam etməyə imkan verəcək.

Whatsapp ilə göndər