Aktual mövzular: Dollar alış-satışı, Neftin qiyməti, COP29, Hava proqnozu

“Aqroparklar haqqında Nümunəvi Əsasnamə” təsdiq edildi

“Aqroparklar haqqında Nümunəvi Əsasnamə” təsdiq edildi

Tarix: 21 Dekabr 2021 18:00

Prezident İlham Əliyev "Aqroparklar haqqında Nümunəvi Əsasnamə"nin təsdiq edilməsi haqqında Fərman imzalayıb.

Sonxeber.net AZƏRTAC-a istinadən bildirir ki, fərmanla "Sənaye parklarının, sənaye məhəllələrinin və aqroparkların idarə edilməsinin təkmilləşdirilməsi ilə bağlı tədbirlər haqqında" Azərbaycan Respublikası Prezidentinin 2021-ci il 22 yanvar tarixli 1257 nömrəli Fərmanının icrası ilə əlaqədar qərara alınır:

1. "Aqroparklar haqqında Nümunəvi Əsasnamə" təsdiq edilsin (əlavə olunur).

2. Müəyyən edilsin ki, "Aqroparklar haqqında Nümunəvi Əsasnamə"də səlahiyyətli orqan dedikdə Azərbaycan Respublikasının İqtisadiyyat Nazirliyi nəzərdə tutulur.

3. Azərbaycan Respublikasının İqtisadiyyat Nazirliyi:

3.1. "Aqroparklar haqqında Nümunəvi Əsasnamə"nin 3.7-ci bəndinin ikinci cümləsində, 4.3-cü bəndinin üçüncü cümləsində, 5.1.6-cı, 6.1.11-ci, 8.6.6-cı yarımbəndlərində və 8.8-ci bəndində nəzərdə tutulmuş aktları altı ay müddətində qəbul etsin;

3.2. "Aqroparklar haqqında Nümunəvi Əsasnamə"dən irəli gələn digər vəzifələri həyata keçirsin.


Etiketlər:  Aqroparklar haqqında Nümunəvi Əsasnamə təsdiq edildi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ