Aktual mövzular: Dollar alış-satışı, Neftin qiyməti, COP29, Hava proqnozu
Tarix: 3 Sentyabr 2019 16:32
Bakı. Trend:
Yaponiyanın paytaxtı Tokioda keçirilən cüdo üzrə dünya çempionatında çıxış edən Azərbaycan yığma komandası bu gün Vətənə dönüb.
Trend-in məlumatına görə, milli komandanın üzvlərini Heydər Əliyev Beynəlxalq Aeroportunda Azərbaycan Cüdo Federasiyasının rəsmiləri, idman ictimaiyyətinin nümayəndələri, jurnalistlər, çoxsaylı azarkeşlər, idmançıların doğmaları və yaxınları gül-çiçək dəstələri ilə qarşılayıblar.
Xatırladaq ki, dünya çempionatında Rüstəm Orucov gümüş, Hidayət Heydərov (hər ikisi 73 kq) isə bürünc medal qazanıb. Digər cüdoçularımız Elmar Qasımov (100 kq) 5-ci, Məmmədəli Mehdiyev (90 kq) və İrina Kindzerska (+78 kq) isə 7-ci pillədə qərarlaşıblar.
Qeyd edək ki, Azərbaycan millisi dünya çempionatının sonuncu günündə təşkil olunan qarışıq komanda yarışlarında uğurla çıxış edərək 5-ci yeri tutub.
Trend-in ən mühüm və maraqlı xəbərlərini "Telegram"da izləyin