Aktual mövzular: Dollar alış-satışı, Neftin qiyməti, COP29, Hava proqnozu

Dünya kuboku: Azərbaycan komandası finala yüksəlib - FOTO

Dünya kuboku: Azərbaycan komandası finala yüksəlib - FOTO

Tarix: 29 Yanvar 2022 21:44

İsveçrənin Sankt-Morits şəhərində keçirilən qarüstü polo üzrə 37-ci dünya kuboku davam edir.

6 komandanın iştirak etdiyi nüfuzlu turnirdə ölkəmizi Azərbaycan Atçılıq Federasiyasının "Land of Fire" komandası təmsil edir.

Yanvarın 27-dən start götürən yarışda "Land of Fire" komandası bu gün ikinci matçına çıxıb. İlk oyunda "Perrier Jouet" kollektivini üstələyən poloçularımız yarımfinal mübarizəsində 2019-cu ilin çempionu "Badrutts Palace" ilə üz-üzə gəlib.

Oyunun əvvəlində hesabda geri qalan "Land of Fire" əzmkarlıq nümayış etdirərək yekunda 4:2 hesablı qələbə əldə etmiş və turnirin final matçına vəsiqə qazanıb.
Komandamızın kapitanı Elçin Camallının rəhbərliyi altında poloçularımızın həlledici görüşdə rəqibi "Clinique La Prairie" komandası olacaq.

Final matçı yanvarın 30-u Bakı vaxtı ilə saat 17:30-da start götürəcək.


Etiketlər:  Dünya kuboku Azərbaycan komandası finala yüksəlib FOTO


RƏYLƏR



Populyar Xəbərlər

XƏBƏR LENTİ