Aktual mövzular: Dollar alış-satışı, Neftin qiyməti, COP29, Hava proqnozu

Yeni “iPhone 11” smartfonunun məhsuldarlığı məlum olub

Yeni “iPhone 11” smartfonunun məhsuldarlığı məlum olub

Tarix: 4 Sentyabr 2019 10:16

“Geekbench” proqramında “iPhone 11” smartfonunun məhsuldarlıq testinin nəticələri internetdə dərc edilib. Bu haqda “Macrumors” dərgisi yazıb.

 

“ICTnews” Elektron Xəbər Xidməti “lenta.ru” saytına istinadən yazır ki, smartfon 2,6 QHs takt tezlikli 6 nüvəli prosessor və 4 QB-lıq əməli yaddaş ilə təchiz ediləcək. Şayiələrə görə, “iPhone 11” adlandırılan yeni “iPhone Xr” smartfonu bu xüsusiyyətlərə malik olacaq. Məsələn, birnüvəli testdə sözügedən cihaz 5415 bal , çoxnüvəli testdə isə 11294 bal toplayıb. Müqayisə üçün ötənilki “iPhone Xr” birnüvəli testdə təxminən 4800 bal, çoxnüvəli testdə isə 11500 bal toplayıb. Amma smartfon 3 QB-lıq əməli yaddaşa malikdir, “A12” prosessoru isə 2,49 QHs takt tezliyi ilə işləyir.

 

Şayiələrə görə, smartfon genişbucaqlı və zum obyektivli ikiqat kamera ilə təchiz ediləcək. Qurğunun displeyi və ölçüləri olduğu kimi saxlanılacaq, ancaq “Apple” şirkəti smartfonu yaşıl və bənövşəyi korpuslarda təqdim edəcək.

 

“Apple”ın yeni smartfonlarının sentyabrın 10-da təqdim ediləcəyi gözlənilir.

 

Emil Hüseynov




Etiketlər:  Yeni iPhone smartfonunun məhsuldarlığı məlum olub


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ