Etibarnamə verdilər, borclu çıxdılar - VİDEO

Tarix: 6 Fevral 2022 10:56

Oğuz rayon sakinlərinin başına tragikomik hadisə gəlib.

Sonxeber.net "Xezerxeber.az"a istinadən xəbər verir ki, rayon sakini Marif Qafarov yanında sürücü kimi işləyən Şamil Qasımova koməklik  etmək istəyib.

Hər şeydə  bundan sonra  başlayıb. İş yoldaşlarından etibarnamə alan  Şamil Qasımov onların adlarına hesablar açıb, ASAN imzalar yaradaraq xarici dövlətlərdən sənaye və mədəni mallar idxalı ilə məşğul olub. Bir müddət sonra Maarif Qasımova Vergilər idarəsindən zəng gələrək onun vergi borcunun olduğu bildirilib. Marif Qafarov  məsələni araşdırmaq üçün quruma müraciət etdikdə ona bildirilib ki, hazırda onun dövriyyəsi bir milyondan çoxdur və gömrükdə 800 min manatlıq malın idxalı gözləyir.

Marif Qafarovla yanaşı 20-ə yaxın şəxs aldadıldığını iddia  edir. Beləliklə, Marif Qafarovun 400 min, Elvin İsmayılovun 21min, Anar Eyvazovun 300 min, Aqil Ağayevin 70 min, Əhməd Məmmədbəyovun isə 50 min manat borcu yaranıb.

Marif Qafarov məsələni  hüquqi  müstəvidə həll  etmək qərarına gəlib. Lakin bu dəfə də  bəxti  gətirməyib.O, vəkil kimi razılaşdığı Yaşar Rəsulovun da onu aldatdığını iddia  edir.

Biz də həm Şamil Qasımov, həm də Yaşar Rəsulovla əlaqə saxlamaq istədik. Lakin cəhdlərimiz uğursuz oldu.

Daxili İşlər Nazirliyinin mətbuat xidmətinin Şəki regional bürosunun rəhbəri Mahir Məsimov "Xəzər Xəbər"ə bildirib ki, hadisədən xəbərdardılar.

Maarif  Qasımov başına gələnlərlə bağlı Baş Prokurorluğa da müraciət  edib.

Mövzu ilə bağlı daha ətraflı videomaterialı təqdim edirik: