Aktual mövzular: Dollar alış-satışı, Neftin qiyməti, COP29, Hava proqnozu

İlon Maskın elektropikapını qayığa çevirəcəklər - FOTO

Tarix: 9 Fevral 2022 15:16

Amerikalı sahibkar Entoni Diamond "Tesla" rəhbəri İlon Maskın hələ ki, istehsala buraxılmamış "Cybertruck"ını elektrik gəmisinə çevirəcək layihəyə start verib.

Sonxeber.net oxu.az-a istinadən xəbər verir ki, "Cybercat" - "Cybertruck"a qoşulan asan yığılan dəstdən ibarətdir. Konfiqurasiyadan asılı olaraq 1-5 xarici mühərriklə təchiz olunacaq "Cybercat" elektrik avtomobil akkumulyatoru ilə işləyəcək.

Layihə konseptual mərhələdədir və heç bir işləyən prototip yoxdur.

Bildirilir ki, gözlənilən maksimal sürət 40 km/saatdan çoxdur, gediş məsafəsi mühərriklərin sayından asılı olaraq 80-185 km arasındadır.

"Cybercat"ın gözlənilən qiyməti xarici mühərriklərin sayından asılı olaraq 24 min dollardan (təxminən 40,8 min manat) 33 min dollara (təxminən 56 min manat) qədər dəyişə bilər.

Şirkət həmçinin sürəti və səmərəliliyi artırmaq üçün dəstin hidrofoil versiyasını yaratmağı planlaşdırır ki, bu da qiyməti 10 000 dollar (təxminən 17 min manat) artıracaq.

"Cybercat"ın bazara çıxma vaxtı barədə məlumat verilmir.