Lukaşenkonun sözlərindən sonra Ukraynada Belarus bayrağı dəyişdirildi

Tarix: 9 Fevral 2022 23:44

Ukraynanın Dnepr şəhərində meriyanın qarşısındakı bayraq dirəyinə asılmış Belarus bayrağı ağ-qırmızı-ağ rəngli kətanla əvəzlənib.

Sonxeber.net "qafqazinfo"-ya istinadən xəbər verir ki, bu barədə Dnepr meri Boris Filatov Facebook səhifəsində məlumat verib. Merin sözlərinə görə, 2019-cu ildə şəhər sakinlərinin təşəbbüsü ilə şəhər administrasiyasının binası qarşısında bir neçə ölkənin bayraqları peyda olub. O qeyd edib ki, bayrağın dəyişdirilməsi həm də yerli idarəetmə orqanının deyil, vətəndaşların fikridir.

"Aleksandr Qriqoryeviç Lukaşenkonun Ukrayna haqqında dediyi manipulyasiya xarakterli bəyanatlar, təhdidlər və qızışmış beyninin bütün cəfəngiyatlarından sonra ornamentli qırmızı-yaşıl bayraq ağ-qırmızı-ağ bayraqla əvəz olundu", - Filatov qeyd edib. 

O vurğulayıb ki, bu yolla Dnepr "Belarusun mövcud siyasi rejiminin imicindən ayrılıb".

Qeyd edək ki, ağ-qırmızı-ağ bayraq Belarus müxalifətinin simvollarından biridir.