Həbib Nurməhəmmədov Hüseyn haqda nə demişdi? - VİDEO

Tarix: 12 Fevral 2022 17:38

Xəbər verdiyimiz ki, azərbaycanlı idmançı Hüseyn Əliyev Hyustonda "Fury FC 57 - UFC Fight Pass" yarışında növbəti görüşünə çıxıb. O, hakimlərin qərarı ilə 65 kiloqram çəki dərəcəsində Andres Quintanaya qalib gəlib.

Diaspora üzrə Dövlət Komitəsindən "Qafqazinfo"ya verilən məlumata görə, Hüseyn Əliyev döyüş öncəsi hazırlığı dünyaca məşhur "American Kickboxing Academy" (AKA) zalında keçirib.

Hazırlıq müddətində o, Həbib Nurməhəmmədov, İslam Maxaçev və digər MMA ulduzları ilə birgə məşq edib. Döyüş öncəsi "AKA" qurucusu və baş məşqçisi Xavyer Mendez və MMA ulduzu Həbib Nurməhəmmədov Hüseyn barədə müsbət fikirlər bildiriblər.

Bu fikirlər "Fury FC" MMA Liqasının hesabında paylaşılan videoda da yer alıb.

Videoda Həbib Nurməhəmmədov idmançımızın çox parlaq gələcəyinin olacağını bildirir.

Fury FC peşəkar MMA liqasıdır. UFC şirkəti ilə əməkdaşlıq çərçivəsində turnirin qaliblərinin UFC Fight Pass yolu ilə əsas liqaya düşmək şansı var. Döyüşdən bir gün öncə UFC Fight Pass şirkəti "Instagram" sosial şəbəkəsində Hüseyn Əliyevi izləməyə başlayıb. Bu da dünyanın 1 nömrəli MMA döyüş şirkətinin həmyerlimizə olan yüksək marağını əks etdirir.