Binaların girişində maşın saxlayanların diqqətinə - VİDEO

Tarix: 16 Fevral 2022 20:42

Dar həyətlər və bu həyətləri biraz da keçilməz edən avtomobillər...

Sonxeber.net Xəzər TV-yə istinadən xəbər verir ki, ən çox paytaxtdakı köhnə binaların yerləşdiyi ərazilərdə belə hallarla qarşılaşırıq. Bu da ilk növbədə piyadaların hərəkətinə mane olur. Eləcə də fövqəladə hallar zamanı problem özünü daha qabarıq göstərir. Əmlak məsələləri üzrə ekspert Nüsrət İbrahimovun sözlərinə görə, həm köhnə, həm də yeni çoxmənzilli yaşayış binalarında avtomobil dayanacaqları və ya parklanma yerlərinin olması mütləqdir. Bu qaydalar Dövlət Şəhərsalma və Arxitektura Komitəsinin təsdiq etdiyi tikinti norma və standartlarında da nəzərdə tutulub. 

Ekspert deyir ki, yeni çoxmənzilli binaların hələ layihəsi hazırlanarkən bu normalar gözlənilməlidir. 

Nüsrət İbrahimov bildirir ki, bəzənhansısa sakin binanın həyətində müəyyən bir ərazini zəbt edir ki, bu da qanunla qadağandır.