Aktual mövzular: Dollar alış-satışı, Neftin qiyməti, COP29, Hava proqnozu

Tokayev xalqa müraciət edəcək

Tarix: 18 Fevral 2022 10:26

Qazaxıstan Prezidenti Kasım Jomart-Tokayev mart ayının ortalarında xalqa müraciət edəcək.

Sonxeber.net qafqazinfo-ya istinadən xəbər verir ki, bu barədə məlumatı Tokayevin mətbuat katibi Berik Uali açıqlayıb.

Onun sözlərinə görə, Prezident müraciəti zamanı yanvar ayında ölkədə baş verən kütləvi iğtişaşlar barədə araşdırmaların ilkin nəticələrini açıqlayacaq.

Xatırladaq ki, yanvar ayının əvvəlində Qazaxıstanda kütləvi iğtişaşlar baş verib. İğtişaş iştirakçıları polis əməkdaşlarına və hərbçilərə hücum edib. Kasım-Jomart Tokayev dövlət çevrilişinə cəhd olduğunu bəyan edib. Ölkədəki vəziyyəti yanvarın 7-si sabitləşdirmək mümkün olub. Yanvarın 19-u isə bütün ölkə üzrə tətbiq edilən fövqəladə vəziyyət rejimi başa çatıb. İğtişaşlar nəticəsində 225 nəfər həlak olub, 4500-dən çox insan isə xəsarət alıb.

Whatsapp ilə göndər