Ukrayna hərbçiləri bu əraziləri geri aldı

Tarix: 24 Aprel 2022 10:00

Ukrayna hərbçiləri Xerson vilayətinin 8 yaşayış məntəqəsinə nəzarəti bərpa ediblər.

Sonxeber.net report-a istinadən xəbər verir ki, bu barədə "Pivden" əməliyyat komandanlığının sözçüsü Vladislav Nazarov məlumat verib.

"Xerson vilayətində saxta referendum ərəfəsində düşmən fəallaşmağa çalışıb. Aleksandrovka və Tavriçeskoye istiqamətində hücum cəhdləri uğursuz olub", - o qeyd edib.

V.Nazarovun sözlərinə görə, Rusiya qüvvələrinin Nikolaevkanı ələ keçirmək cəhdləri də müvəffəqiyyətlə sonuclanmayıb.

"Bölmələrimiz müşahidə məntəqələrinin mövqelərindən Xerson vilayətinin 8 yaşayış məntəqəsinə nəzarəti bərpa edib".

Sözçü bildirib ki, Kiselevka ərazisində Ukrayna hərbçiləri işğalçıların Posad-Pokrovskoyeyə növbəti hücumu üçün hazırlanan cəmlənmiş canlı qüvvə və texnikasına zərbələr endiriblər:

"Düşmən xeyli itki verərək Çernobaevkaya doğru geri çəkilib. Düşmənin ümumi itkiləri 74 canlı qüvvə və 13 texnika, o cümlədən iki tank, çoxsaylı reaktiv yaylım atəşi sistemi, altı zirehli və mühəndis texnikası, dörd PUA olub".